ਪੰਜਾਬੀ ਕਵਿਤਾ
ਗੁੰਮਨਾਮ
ਮੁੱਕ ਚੁੱਕੀ ਕਿਸੇ ਬਾਤ ਜਿਹੀ ਉਹ
ਚਾਨਣ ਦੇ ਵਿਚ ਰਾਤ ਜਿਹੀ ਉਹ ।
ਕਲਮੋ ਮੁੱਕੀ ਦਵਾਤ ਜਿਹੀ ਉਹ
ਮੁੜ ਚੁੱਕੀ ਸੁਗਾਤ ਜਿਹੀ ਉਹ ।
ਗੁੰਮਨਾਮ ਹੈ ਉਹ ਗੁੰਮਨਾਮ ਹੈ
ਗੁੰਮਨਾਮ ਹੈ ਉਹ..........
ਕਾਲਜੇ ਦੀ ਕਿੱਸੇ ਚੀਸ ਜਿਹੀ ਉਹ
ਨਾ ਹੋਣ ਵਾਲੀ ਰੀਸ ਜਿਹੀ ਉਹ ।
ਫਿੱਕੀ ਪੈ ਗਈ ਪ੍ਰੀਤ ਜਿਹੀ ਉਹ
ਮੁੱਕ ਚੁੱਕੀ ਕਿਸੇ ਰੀਤ ਜਿਹੀ ਉਹ।
ਗੁੰਮਨਾਮ ਹੈ ਉਹ ਗੁੰਮਨਾਮ ਹੈ
ਗੁੰਮਨਾਮ ਹੈ ਉਹ .........
ਵਿਆਹ ਤੋਂਪਹਿਲਾਂ ਤਲਾਕ ਜਿਹੀ ਉਹ
ਕਸ਼ਮੀਰ ਜਿਹੇ ਹਾਲਾਤ ਜਿਹੀ ਉਹ।
ਨਾ ਬੁੱਝੀ ਹੋਈ ਪਿਆਸ ਜਿਹੀ ਉਹ
ਟੁੱਟੀ ਹੋਈ ਕਿਸੇ ਆਸ ਜਿਹੀ ਉਹ।
ਗੁੰਮਨਾਮ ਹੈ ਉਹ ਗੁੰਮਨਾਮ ਹੈ
ਗੁੰਮਨਾਮ ਹੈ ਉਹ...........
ਮਰ ਚੁੱਕੇ ਜਜ਼ਬਾਤ ਜਿਹੀ ਉਹ
ਕੀਤੇ ਕਿਸੇ ਮਜ਼ਾਕ ਜਿਹੀ ਉਹ ।
ਟੁੱਟ ਚੁੱਕੇ ਵਿਸਵਾਸ ਜਿਹੀ ਉਹ
ਬਿਨ ਲਾੜਿਓ ਬਰਾਤ ਜਿਹੀ ਉਹ।
ਗੁੰਮਨਾਮ ਹੈ ਉਹ ਗੁੰਮਨਾਮ ਹੈ
ਗੁੰਮਨਾਮ ਹੈ ਉਹ.........
ਯਾਦਾਂ ਦੀ ਕਿੱਸੇ ਪੰਡ ਜਿਹੀ ਉਹ
ਹਿੰਦ-ਪਾਕਿ ਦੀ ਵੰਡ ਜਿਹੀ ਉਹ ।
ਛੱਡੀ ਹੋਈ ਕਿਸੇ ਮੰਗ ਜਿਹੀ ਉਹ
ਤਰਾਸ਼ੇ ਹੋਏ ਕਿਸੇ ਸੰਦ ਜਿਹੀ ਉਹ ।
ਉਹ ਵੀ 'ਜਤਿੰਦਰਾ' ਕਿੰਨੀ ਨਾਦਾਨ ਹੈ
ਗੁੰਮਨਾਮ ਹੈ ਉਹ ਗੁੰਮਨਾਮ ਹੈ ਗੁੰਮਨਾਮ ਹੈ ਉਹ ਗੁੰਮਨਾਮ ਹੈ
ਜਤਿੰਦਰ ਸਿੰਘ
ਪਿੰਡ ਗੁਲਾਹੜ
ਜ਼ਿਲ੍ਹਾ ਪਟਿਆਲਾ
ਸੰਪਰਕ 99149-83812
0 comments:
Post a Comment